منتديات احباب الروح



 
الرئيسيةمكتبة الصورالتسجيلالدردشهدخول

شاطر | 
 

 شنو الفرق بين القنوات العربيه والعراقيه...!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ato0osha
عضو جديد
عضو جديد
avatar

عدد الرسائل : 10
العمر : 26
رقم العضويه : 16
مزاجك اليوم :
تاريخ التسجيل : 10/08/2008

مُساهمةموضوع: شنو الفرق بين القنوات العربيه والعراقيه...!!   8/10/2008, 6:10 pm

شوفوا الفرق بين قنواتنه و قنوات العرب
فرق سما و كاع


يلي




قناة دبي
تعرض افتتاح فندق جديد جوه الماي وافتتاح بحيره فوق النخل وقريه سياحيه براس الشارع ومركز تجاري وصناعي واجتماعي واقتصادي وعلمي وادبي وكلش وكلاشي

قناة الشرقيه العراقيه
مقتل 17 شخص بانفجار في حفله عرس وجرح جميع المعزومين ماعدا ام العروسه حماة العريس كلشي مابيها مع العلم ان العبوه الناسفه جانت بحظنها وماصاربيهاشئ بس شنو شويه اتوصخ ثوبها
واتقطع من جهة الصدر والرجلين يعني صارت هيفاء وهبي من تغني


قناة ال بي سي البنانيه
نقل حفله في اكبر شوارع بيروت للفنانه الشحروره صباح الي مانعرف شوكت تموت ولقد سلطت الاضواء على الصره مال بطنها الي صايره يم خشمها بسبب كثره عمليات شد البشره الي تسويها الشحروره بحيث انسحبت الصره من البطن الى قرب الخشم وقالت انه الطبيب المختص جان مستعجل فشد البشره شده قويه جر وياها الصره بس ميرسي لله ماسحب غير شئ

قناة البغداديه العراقيه
انفجار باكبر شوارع بغداد في منطقه باب الشرجي في بغداد الذي يكثر فيه محلات بيع الفلافل ولقد اكد مصدر في وزاره الداخليه ان الانفجار ليس عبوه ناسفه هو انفجار بشري ادى الى تحطم زجاج المحلات بالبصره وموت 150 شخص بالموصل وادى الى تعطل اجهزه الاتصالات بجنوب استراليا بس شنو من انفجار مدوي الله الي يستر من البقوليات

قناة القطريه الفضائيه
تعرض حفله تنكريه بمناسبه كل الحفلات سوها بس الحفله التنكريه ماسوها وسوها هسه
وفاز بها مشارك لابس عكال جينز ماركه ليفايز ودشداشه ستان خفيفه ماركه تخلي المطي يغرد
واثبت ياعكال الراس

قناة العراقيه الفضائيه
تعرض انفجار بالمنطقه الشيعيه وعبوه ناسفه بالمثلث السني واشتباك بمنطقه كردستان وحوادث بالمنطقه الي مالها دخل بالعمليه السياسه وحوادث تفال وشتايم بالمنطقه الخظراء وخطف ارهابيون رهينتين رجل وزوجته في ليله الزفاف من الفندق ولقد توسله الزوج يمعودين بس ربع ساعه عفوني وحدي وي زوجتي تره فشله بالعشيره شيكولون عني فاشل تقبلها انت يا ارهابي هسه بس بوسه وبعدين اخذونا وكصوا راسنا وطلعونا على العربيه لو الجزيره


قناة المصريه الفضائيه
تعرض مهرجان الافلام السنوي بمشاركه جميع الدول باستثناء العراق لانه هو صاير فلم وتخلل الحفل
دك وركص وركع اصبعتين

قناة الفيحاء العراقيه
انفجارات متتاليه لمده 23 ساعه بهذا اليوم بقه ساعه وحده وتصير 24 يعني يوم واحد والساعه الاخيره
من هذا اليوم صار بيه اشتباكات اسفرت عن جرح واحد فقط هم رحمه من الله لان الاشتباكات صارت بالقنادر مو بالاسلحه وعند نقل المجروح الى المستشفى صار انفجار بالمستشفى ومات المجروح الي اسمه الثلاثي سعيد فرحان كلش من عشيرة محظوظ جدا

قناة البحرين الفضائيه
افتتاح مطار جديد وشارع جديد وفندق جديد ومتحف جديد ومدرسه جديده وكليه جديد عبالك باجر العيد كله جديد بجديد وعين الحسود بيها عود جديد هماتين

قناة الديار العراقيه
مصرع ومقتل ووفاة وخطف واغتصاب وتعذيب وقطع راس هذا طبعا الموجز اما التفاصيل هناك يم المشرحه مما ادى الى استنكار السيد رئيس الجمهوريه وطلب بتحسين المشرحه وجعلها سياحيه
وخصص مبلغ 250 مليون دولار لبناء ثلاجات جثث سعه مليون راكب وطالب بتحسين اوضاع
الموتى العراقين

قناة الفرات العراقيه
تعرض احتجاج مدير قناة الفرات لانه قنوات العراق الفضائيه كلها عرضت كل الي ماتوا بالانفجارات ومابقوا كم ميت تعرضه قناة الفرات وقال هسه على الاقل مجروح واحد نعرضه شنو تكاطعت الناس محد يساعد

قناة روتانا
دك عيني دك للصبح اغاني وركص ودنبك وهلاهل وجق اصبعتين مو مثل قناة الشرقيه العراقيه
يدور مجروح يعرضه بالتلفزيون




قناة العراقي السعيد الفضائيه
تعرض وقائع احتفال شعب العراق بقدوم السنه الجديده حيث في الساعه 12 ليلا عمت الفرحه
ارجاء بغداد دار السلام وشلون سلام يخبل عمت الفرحه الساعه 12 مو علمود السنه الجديده انما على مود الكهرباء اجت لمده ساعتين حتى تشغل الناس الماطور تصعد ماي الى التانكي حتى ثاني يوم
يغسل المواطن هو وزوجته واطفاله كلهم سويه جوه الدوش لانه الماي مايكفي يغسل واحد وره الواحد كلهم سويه لانه العراق هسه ينعم بالشفافيه لابس من غير هدوم والتعدديه كلها تفوت تغسل سويه تحت دوش واحد وصابون واحده وليفه واحده ووطن واحد وشعب واحد واكيد مو بوري واحد انما 20 مليون بوري لكل مواطن عراقي بوري


لنلنلن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MeEmO
مشرف المنتديات الرياضيه ومنتدى برامج الكومبيونر
مشرف المنتديات الرياضيه ومنتدى برامج الكومبيونر
avatar

عدد الرسائل : 242
العمر : 28
رقم العضويه : 5
مزاجك اليوم :
هوايتي :
مهنتي :
علم دولتي :
تاريخ التسجيل : 29/07/2008

مُساهمةموضوع: رد: شنو الفرق بين القنوات العربيه والعراقيه...!!   8/10/2008, 6:12 pm

هههههههههههه شر البليه مايضحك

شكرا على موضوعج الرائع نتظر منج المزيدAto0osha

تحياتي

_________________


legolas_msa@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A7BaB aLR07
إْلــ.م.ـديـر إْلـ.ع.ـآم
إْلــ.م.ـديـر إْلـ.ع.ـآم
avatar

عدد الرسائل : 276
رقم العضويه : 9
هوايتي :
مهنتي :
علم دولتي :
تاريخ التسجيل : 05/08/2008

مُساهمةموضوع: رد: شنو الفرق بين القنوات العربيه والعراقيه...!!   8/10/2008, 6:18 pm

هههههههههههههههههههههههه
والله صدوك ان شر البليه ما يضحك
مكشوووره عيوني
لا ترحمينا من جديدك

تحياتي ...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شنو الفرق بين القنوات العربيه والعراقيه...!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب الروح :: المنتديات التحشيشيه :: منتدى التحشيش-
انتقل الى: